Маркетинг теориясы мен практикада маркетингтік коммуникациялардың маңызы біртіндеп саналы түрде рыноктағы ұйымдастырудың нақты мәселелерін шешуде коммуникацияның рөлімен бірге өсіп келеді. Тек жақсы дизайнның, тиімді өндіріс пен оңтайлы бағаның, ойластырылған турөнімді тарату желісімен ғана мақсаттық сегментке жету мүмкін емес, тұтынушыға өнім жөнінде, оның алатын орны және шығарушы жөнінде ақпарат берілуі қажет, оның сапасының жақсы екеніне тұтынушының көзі жетуі керек. Мұндай рөлді коммуникациялар атқарады, қазіргі заманда коммуникациясыз өмірді көз алдымызға елестету мүмкін емес.

Коммуникациялар тиімді болу үшін және компанияға пайда әкелу үшін, фирма қайтіп түрлі аудиториялар мекен-жайына ескерту жасай алады деген сұраққа жауап беру керек, яғни, «коммуникациялар кешені» деп аталатын негізгі коммуникациялық құралдарды анықтау керек.

Маркетингтік коммуникациялар кешені негізгі бес коммуникациялық құралдан тұрады:

Жарнама - кез келген ақы төленетін белгілі бір субъектінің жеке презентациясы емес және идея, тауар немесе қызметтің жылжу формасы.

Өткізімді ынталандыру - тұтынушыларды тауарлар не қызметтерді сатып алуға итермелейтін, ынталандыратын әр түрлі қысқа уақытты акциялар.

Жұртшылықпен байланыс (РR) - компания мен оның тауарларын жылжыту және имиджін қорғауға арналған бағдарламалар.

Жеке сатулар - презентациялар, сұрақтарға жауап және тапсырыстар алуды ұйымдастыру мақсатында жүргізілетін бірнеше әлеуетті сатып алушылармен тікелей өзара қызмет жасасу.

Тікелей маркетинг - нақты және әлеуетті тұтынушыларға тікелей әсер ету мақсатында пошта, телефон, факс, электронды пошта және басқа да байланыс құралдарын қолдану.

Маркетингтік коммуникация жүйесі тиімді құрылған жағдайда компания келесі сатылардан өтеді:

1.        Мақсаттық аудиторияны анықтау. Туристік қызметтің кімге ұсынылатынын нақты түсінген жөн.

2.   Коммуникативті мақсаттарын анықтау. Мақсаттық сегмент анықталғаннан кейін, маркетолог ол аудиториядан нені қажет ететінін шешуі тиіс. Әдетте сатып алушы бірнеше кезеңдерден өтеді: танымдық, эмоционалды (тауарға деген қатынасын анықтау) жэне іс-қимылдық (іс-әрекет жасайды не жасамайды). Осы кезеңдердің әрқайсысында маркетолог тұтынушыға әсер ете алады. Бұл маркетологтың мақсатына байланысты.